01 Ferðin til Poreč

Við vorum mætt tímanlega í Leifsstöð. Eftir innskráningu og vopnaleit fengum við okkur hressingu. Flugfélagið Play sá um flug og vélin fór í loftið um þrjúleytið. Flugið til Pula í Króatíu gekk vel og tók rúma fjóra klukkutíma. Við lentum um 21:30. Þá tók við um 50 mínútna akstur til dvalarstaðar okkar, Apartments Bellevue Plava Laguna, skammt sunnan við Poreč. Þar fengum við íbúð númer 223. Hún er á tveimur pöllum; baðherbergi og rúm á efri palli og eldhúskrókur, eldhússborð og svalir á neðri palli. Hentaði okkur ljómandi vel.